• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پی ایس ایل میچ کے سلسلے میں مثالی انتظامات، سٹیڈیم اور روٹس کی بھرپور صفائی

میرا شہر
ملتان
19 فروری ، 2024
ملتان (سٹاف رپورٹر) ضلعی انتظامیہ کی جانب سے گزشتہ روز پی ایس ایل کے شہر اولیاء میں پہلے ٹاکرے کے موقع پر مثالی انتظامات کئے گئے، اس موقع پر ضلعی انتظامیہ اور پولیس کی جانب سے سکیورٹی سمیت تمام انتظامات فول پروف بنائے گئے جب کہ ویسٹ مینجمنٹ کمپنی نے سٹیڈیم اور روٹس پر بھرپور صفائی آپریشن بھی کیا،ڈپٹی کمشنر کیپٹن ریٹائرڈ رضوان قدیر کی ہدایت پر میچ کے دوران سٹیڈیم میں 100 سے زائد سینٹری ورکرز نے ڈیوٹی سرانجام دی،قبل ازیں ضلعی انتظامیہ کی جانب سے شائقین کرکٹ کیلئے فاطمہ جناح ٹاؤن پارکنگ میں 70ویڈا بسیں مختص کی گئیں جنہوں نے فاطمہ جناح ٹاؤن سے سٹیڈیم تک فری سروس فراہم کی، ڈپٹی کمشنر نے بتایا کہ ٹکٹوں کی چیکنگ اور سکریننگ کیلئے سٹیڈیم کے باہر خصوصی کاونٹرز بھی قائم کئے گئے جس سے کوئی ناخوشگوار واقعہ پیش نہیں آیا ،ڈپٹی کمشنر کیپٹن ریٹائرڈ رضوان قدیر نے کہا کہ ضلعی محکموں کی جانب سے تمام میچز میں سٹیڈیم میں خصوصی سروس ڈیلیوری کیمپس بھی لگائے جائیں گے کیونکہ عوام کے چہریوں پر خوشیاں بکھیرنے کیلئے کرکٹ میلے کو کامیاب بنانا ترجیح ہے۔
ملتان سے مزید