فرمان الہی
نماز کے اوقات
کراچی(اسٹاف رپورٹر)شہر میں قتل و غاری گری عروج پر پہنچ گئی‘منگل کوناظم آباد ‘گبول ٹاؤن ‘ کورنگی سمیت شہر کے مختلف علاقوں میں فائرنگ اور پرتشدد واقعات میں 4 افراد کی زندگیوں کے چراغ گل ہوگئے‘پولیس قاتلوں کی بیخ کنی میں ناکام دکھائی دے رہی ہے۔ناظم آباد کے علاقے گول مارکیٹ کے قریب منگل کو فجرکے وقت موٹر سائیکل سوار ملزمان نے کی فائرنگ سے70سالہ محمد اقبال شدید زخمی ہوگیاتاہم وہ زخموں کی تاب نہ لاتے ہوئے راستے میں دم توڑ گیا‘ پرانی سبزی منڈی کے قریب کچرا کنڈی سے ایک شخص کی کمبل میں لپٹی ہوئی لاش ملی جسے سینے پر گولی مار کر قتل کیا گیا ہے، مقتول کی شناخت نہیں ہوسکی ہے ،گبول ٹائون تھانے کی حدود شفیق موڑ کے قریب ملزمان نے فائرنگ کرکے28 سالہ شبیر کو قتل کردیا ، پولیس کا کہنا ہےکہ مسلح ملزمان دوسرے شہری کو لوٹنے کی کوشش کررہے تھے، نہ رکنے پر ڈاکوں نے فائرنگ کی جس کی زد میں آکر شبیر جاںبحق ہوگیا۔
