کراچی(پی پی آئی)2024کا پہلا چاند گرہن25مارچ کواور2024کا پہلا مکمل سورج گرہن 8اپریل کو ہوگا۔دونوں گرہن پاکستان میں نہیں دیکھے جا سکیں گے۔یہ جزوی چاند گرہن ہوگا جس کے دوران زمین کا بہت کم سایہ چاند پر نظر آئیگا۔اس طرح کے چاند گرہن کیلئے پی نمبرل کی اصطلاح استعمال کی جاتی ہے۔پی نمبرل چاند گرہن کے دوران چاند کی چمک معمولی ماند پڑتی ہے اور اسی وجہ سے اکثر افراد کو گرہن کا علم بھی نہیں ہوتا۔یہ چاند گرہن امریکا، یورپ کے بیشتر ممالک، آسٹریلیا، افریقا، شمالی اور مشرقی ایشیا میں نظر آئے گا، جبکہ پاکستان اور بھارت میں اس کا نظارہ ممکن نہیں ہوگا۔چاند گرہن پاکستان کے معیاری وقت کے مطابق 25 مارچ کو صبح 9 بجکر 53 منٹ پر شروع ہوگا اور دوپہر 12 بجکر 12 منٹ پر عروج کو پہنچے گا۔چاند گرہن کا اختتام دوپہر 2 بجکر 32 منٹ پر ہوگا، مجموعی طور پر چاند گرہن کا دورانیہ 4 گھنٹے 40 منٹ ہوگا۔رواں سال دوسرا جزوی چاند گرہن 17 ستمبر کو ہوگا جبکہ مکمل چاند گرہن اگلے سال مارچ میں ہوگا۔دلچسپ بات یہ ہے کہ 25 مارچ کو چاند گرہن کے چند دن بعد 8 اپریل کو مکمل سورج گرہن بھی ہوگا۔مکمل سورج گرہن کا نظارہ بھی امریکا اور کینیڈا میں ہوگا جبکہ پاکستان میں اسے دیکھنا ممکن نہیں ہوگا۔
فرمان الہی
نماز کے اوقات
