• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کسی کے یہ تھے بلاول۔ کسی کے حمزہ تھے

آج کا اخبار
اہم خبریں
01 اپریل ، 2024
محمود شام
جواں لہو سے بھرے شہر ایک سکتے ہیں
مکان روتے ہیں بازار بین کرتے ہیں
سب اپنے اپنے محلے کی شادمانی تھے
گھروں کی آس بڑھاتی ہوئی کہانی تھے
جواں ہیں وہ بھی جوان کا لہو بہاتے ہیں
یہ کیسی مائیں ہیں دہشت کودے رہی ہیں جنم
یہ کیسے باپ ہیں جو ڈاکؤں کو پالتے ہیں
یہ کشتگاں بھی کسی باپ کا سہارا تھے
کسی کے یہ تھے بلاول۔ کسی کے حمزہ تھے
جنم پر ان کے بھی آنگن میں رنگ بکھرے تھے
ہر ایک گھر نے پیاروں کے خواب دیکھے تھے
امیر شہر کے ماتھے پر اک شکن بھی نہیں
کسی سرنگ کے آخر میں اک کرن بھی نہیں
کوئی بچائے مہکتا چمن اجڑنے سے
بھری بہار میں پھولوں کو یوں بچھڑنے سے
اہم خبریں سے مزید