فرمان الہی
نماز کے اوقات
اسلام آباد (اے پی پی) پاکستان سول ایویشن اتھارٹی کے ترجمان نے کہا ہے کہ کراچی ایئرپورٹ رن وے 25L/07R کی مکمل بندش کی خبریں درست نہیں ، معمول کی دیکھ بھال کا کام کیا جا رہا ہے ۔ ترجمان نے اتوار کو جاری اپنے وضاحتی بیان میں کہا کہ کراچی ایئرپورٹ رن وے 25L/07R پر معمول کی دیکھ بھال کا کام ہوگا،رن وے کی بندش کے حوالے سے چلنے والی خبروں میں کوئی صداقت نہیں ہے، رن وے پر سے ربڑ ہٹانے کا کام 03 مئی تک مختلف اوقات میں کیا جائیگا، مرمتی کام کے دوران مخصوص لوڈ یا اس سے کم کے حامل ایئر کرافٹس کیلئے متبادل رن وے 25R/07L کو استعمال کیا جاسکے گا۔ ترجمان نے کہا کہ نوٹم میں درج مینٹننس کے اوقات کوآرڈینیٹڈ یونیورسل ٹائم زون اوقات ہیں، ترجمان نے کہا کہ پاکستان کا معیاری وقت کوآرڈینیٹڈ یونیورسل ٹائم سے پانچ گھنٹے (UTC+05:00 )آگے ہے۔
