• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پی سی بی انٹر کلب کے آغاز سے کرکٹ کو فروغ حاصل ہوگا،ارسلان خان

میرا شہر
ملتان
21 اپریل ، 2024
ملتان (سٹاف رپورٹر) پاکستان کرکٹ بورڈ کی ہدایت پر ملتان ڈسڑکٹ کرکٹ ایسوسی ایشن کے زیر اہتمام انٹر کلب کرکٹ چیمپئن شپ کا افتتاحی میچ آج 21 اپریل 2024کو ایم سی جی گراوٴنڈ نواں شہر ملتان میں کھیلا جائے گا۔ سیکرٹری ملتان ڈسڑکٹ کرکٹ ایسوسی ایشن امجد رزاق بھٹہ کے مطابق افتتاحی میچ اے او کرکٹ کلب ملتان اور بولان کرکٹ کلب ملتان کے درمیان کھیلا جائے گا۔ اس موقع پر افتتاحی تقریب دن بارہ بجے منعقد کی جائے گی۔ ملتان ڈسڑکٹ کرکٹ ایسوسی ایشن کے صدر محمد ارسلان خان افتتاحی تقریب کے مہمان خصوصی ہونگے۔ اس موقع پر تمام کلبوں کے صدور بھی موجود ہونگے۔اس سلسلہ میں ملتان ڈسڑکٹ کرکٹ ایسوسی ایشن کی ایگزیکٹو کمیٹی کا ایک اجلاس زیر صدارت صدر محمد ارسلان خان منعقد ہوا جس میں نائب صدر محمد ارشاد سیکرٹری امجد رزاق بھٹہ جوائنٹ سیکرٹری منظور لطیفی اور سیکرٹری فنانس جاوید اقبال شامل تھے۔ اجلاس میں ٹورنامنٹ کے انتظامات کو حتمی شکل دی گئی اور مختلف کمیٹیوں کو تشکیل دیا گیا۔ اس موقع پر صدر ارسلان خان نے کہا کہ پاکستان کرکٹ بورڈ کلب کرکٹ کے فروغ کے لیے اس ایونٹ کا آغاز کرنے جارہی ہے تاکہ کھلاڑیوں کو بہترین سہولیات کے ساتھ معیاری کرکٹ کھیلنے کو ملے۔
ملتان سے مزید