سم کی بندش سے بچنے کیلئے گوشوارے فوری طور پر جمع کرائیں، ایف بی آر

اسلام آباد (این این آئی)فیڈرل بورڈ آف ریونیو (ایف بی آر)نے نان فائلرز کو ایک بار پھر تنبیہ کی ہے کہ وہ سم کی بندش سے بچنے کیلئے فوری طور پر گوشوارے جمع کرائیں۔ انکم ٹیکس آرڈیننس کے تحت سال 2023کے انکم ٹیکس گوشوارے جمع نہ کروانے والے افراد کیخلاف کارروائی کا آغاز ، میڈیا نے اپنی رپورٹ میں ایف بی آر کی جانب سے جاری اعلامیے کے حوالے سے بتایاکہ انکم ٹیکس آرڈیننس 2001کے سیکشن 114بی کے تحت سال 2023کے انکم ٹیکس گوشوارے جمع نہ کروانے والے افراد کیخلاف تادیبی کارروائی کا آغاز کردیا گیا ہے۔پہلے مرحلے میں نان فائلر کی سم بلاک کرنے کے احکامات جاری کئے گئے ہیں ۔ ایف بی آر نے نان فائلرز کو تنبیہ کی ہے کہ وہ سم کی بندش سے بچنے کیلئے اپنے گوشوارے فوری جمع کرائیں۔