کراچی( اسٹاف رپورٹر )کراچی میں جرائم پیشہ عناصر نے واردات کا نیا طریقہ ڈھونڈ لیا۔نارتھ ناظم آباد میں ملزمان نے لاکھوں روپے مالیت کا آن لائن سامان بک کروایا اور سوزوکی چھین لی۔متاثرہ ڈرائیور نے بتایا کہ ڈکیتی کی واردات نارتھ ناظم آباد بلاک آئی میں کی گئی۔خاتون نے دکاندار سے فون پر ڈیڑھ ٹن کا اے سی ‘واشنگ مشین اور ایک گیزر بک کروایا۔ڈرائیور کے مطابق خاتون نے فون پر میگا سینٹر ڈسٹرکٹ سینٹرل کی لوکیشن بتائی ،پتے پر پہنچا توخاتون نے کہا 5منٹ میں آرہی ہوں۔ ڈرائیور کے مطابق خاتون کے ہمراہ کئی ڈاکو بھی موٹرسائیکلزپر پہنچ گئےاور سامان سے بھری گاڑی چھین کر فرار ہو گئے ۔واردات کے چند منٹ بعد سوزکی ٹریکر کمپنی سے بند کروائی۔سوزوکی بند ہوئی تو رکشے میں مال لوڈ کروا دیا گیا۔بھائی آگے گیا تو ملزمان نے اسلحہ دکھایا اور رکشہ لے کر بھاگے۔ٹریکر والے جب نیپا پر پہنچے تو ملزمان فرار ہورہے تھے ۔ شاہراہ نورجہاں پولیس نے واقعہ سے متعلق درخواست وصول کرلی ہے۔
فرمان الہی
نماز کے اوقات
