• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی‘ لاہورسمیت 5 شہروں میں پولیو وائرس موجودگی کا انکشاف

آج کا اخبار
اہم خبریں
30 مئی ، 2024
لاہور ( آن لائن ) کراچی اورلاہور سمیت 5 بڑے شہروں میں پولیووائرس کی موجودگی کا انکشاف ہوا ہے، 8ماحولیاتی نمونے مثبت نکل آئے جس کی قومی ادارہ صحت کی ریجنل پولیو لیبارٹری نے تصدیق کر دی۔ رواں سال صرف پانچ ماہ میں ملک کے 39اضلاع میں پولیو کے مثبت ماحولیاتی نمونوں کی تعداد 150کے قریب جا پہنچی ۔این آئی ایچ کی رپورٹ کے مطابق کراچی کے علاقوں کیماڑی اور ملیر میں سیوریج کے پانی میں3مقامات پر پولیو وائرس کی تصدیق ہوئی ۔ لاہور ، حیدرآباد اور جیکب آباد کے ایک ایک ماحولیاتی نمونے میں پولیو وائرس پایا گیا۔ سکھر شہر کے 2 ماحولیاتی نمونوں میں بھی پولیو وائرس مثبت آیا ۔لاہور سے ماحولیاتی نمونے 14 مئی کو ، جیکب آباد میں 7 مئی اور حیدرآباد سے 8 مئی کو لئے گئے تھے ۔ کراچی اور حیدرآباد سے بھی پانچ نمونے رواں ماہ قومی ادارہ صحت کی لیبارٹری بھجوائے گئے، تمام نمونے مثبت نکلے۔
اہم خبریں سے مزید