• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

حیدرآباد میں کراچی کی طالبہ سے اجتماعی زیادتی، بے ہوشی کی حالت میں مل گئی

آج کا اخبار
اہم خبریں
04 جون ، 2024
حیدرآباد ( بیورو رپورٹ) کراچی پولیس کاحیدرآباد میں ہوسٹری تھانے کی حدود میں چھاپہ‘ 31مئی کو کراچی سے اغوا ہونے والی اسکول کی طالبہ بے ہوشی کی حالت میں برآمد‘ ہوش میں آنے کے بعد مغویہ کا کہناہے کہ اسے اجتماعی زیادتی کا نشانہ بنایا ہے۔ تفصیلات کے مطابق کراچی کے علاقے گھوڑا باری چوک کورنگی کے رہائشی راشد احمدبنگالی نے 31مئی کو زمان ٹاؤن تھانے میں رپورٹ درج کرائی تھی کہ اس کی بیٹی 15سالہ مہک 31مئی کو اسکول گئی تھی واپس نہیں آئی‘ بعدازاں پڑوسی رشید نے بتایا کہ اسے کسی نے فون کرکے کہا ہے کہ مہک حیدرآباد کے علاقے میں پاکولا فیکٹری کے قریب ہے اسے آکر لے جاؤ‘ بعد میں بھی اغوا کاروں نے فون کئے۔ زمان ٹاؤن پولیس نے نامعلوم ملزمان کے خلاف15سالہ مہک کے اغوا کامقدمہ درج کیاتھا ۔زمان ٹاؤن پولیس نے پیر کو ہوسٹری پولیس کے ہمراہ ماڈل ٹاؤن کے علاقے میں چھاپہ مارکر 15سالہ مہک کو بے ہوشی کی حالت میں برآمد کرلیا ہے جسے طبی امداد کے لئے سول اسپتال منتقل کیاگیا ۔ ذرائع کا کہناہے کہ مغویہ مہک نے ہوش میں آنے کے بعد کہاہے کہ ایسے اغوا کاروں نے اجتماعی زیادتی کا نشانہ بنایا ہے ۔ ہوسٹری پولیس سے رابطہ کی کوشش کی گئی تو ایس ایچ او ہوسٹری فون وصول نہیں کررہے تھے جبکہ ایس ایس پی حیدرآباد کافون بھی اٹینڈ نہیں کیاگیا ۔
اہم خبریں سے مزید