• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی میں ہیٹ ویو سے مزید 4 ہلاکتیں، 10 دنوں میں تعداد 49 ہوگئی

آج کا اخبار
اہم خبریں
02 جولائی ، 2024
کراچی (بابر علی اعوان / اسٹاف رپورٹر) کراچی میں چوبیس گھنٹوں کے دوران ہیٹ ویو سےمذید 4افراد جاں بحق ہوگئے جس کے بعد دس دنوں کے دوران کراچی میں گرمی سے جاں بحق ہونے والوں کی تعداد49ہوگئی ہے۔ محکمہ صحت سندھ کے مطابق چوبیس گھنٹوں کے دوران عباسی شہید اسپتال میں اورنگی ٹاؤن کی رہائشی 51سالہ حسینہ، اورنگی ٹاؤن کی 80سالہ تحزین ، ناظم آباد کے 65سالہ محمد شاکر اور سرجانی ٹاؤن کی 50سالہ مریم گرمی اور لو لگنے سے انتقال کر گئے ۔ محکمہ صحت کے مطابق چوبیس گھنٹوں کے دوران کراچی میں ہیٹ ویو سے 144افراد متاثر ہوئےجن میں سے جناح اسپتال میں20، سول اسپتال میں26، لیاری اسپتال میں5، سروسز اسپتال کراچی میں 5، کورنگی جنرل اسپتال میں5، سعود آباد اسپتال میں 2، لیاقت آباد جنرل اسپتال میں15، نیو کراچی اسپتال میں15، عباسی شہید اسپتال میں 22، قطر اسپتال میں 14اور آغا خان یونیورسٹی اسپتال میں 4 افرادکو لایا گیا جنہیں طبی امداد دی گئی۔محکمہ صحت سندھ کے اعداد و شمار کے مطابق گرمی سے سول اسپتال کراچی میں24جون کو آٹھ، 26جون کو چھ، 27جون دو، 28جون کو ایک اور 29جون کو ایک ہلاکت رپورٹ ہوئی۔ جناح اسپتال میں 26جون کو ایک ، 27 جون کو تین اور 30جون کو ایک ہلاکت ہوئی۔ عباسی شہید اسپتال میں 21 جون کو ایک، 22 جون کو ایک، 23 جون کو ایک، 24 جون کو دو، 25 جون کو ایک، 26 جون کو ایک، 27 جون کو پانچ ، 29 جون کو دو، 30 جون کو 5 اور یکم جولائی کو 4 ہلاکتیں رپورٹ ہوئیں، قطر اسپتال میں 25 جون کو دو اور 26 جون کو ایک ہلاکت رپورٹ ہوئی، ہلاک ہونے والے افراد مختلف بیماریاں میں بھی مبتلا تھے۔ گرمی سے انتقال کرنے و الوں میں لیاری کے 70سالہ اللہ دتہ، لانڈھی کے 70سالہ طاہر علی، جمشید روڈ کے 60سالہ متین، لانڈھی کی 60سالہ سعیدہ، جیل روڈ کی 18 سالہ شہنیل ، لانڈھی کے 45 سالہ حسن، جیل روڈ کے 19سالہ منصور احمد، نارتھ کراچی کے 54سالہ عرفان، بلدیہ ٹاؤن کے 28سالہ لیاقت، بلدیہ ٹاؤن کے 38سالہ الیاس ، بلدیہ ٹاؤن کی رہائشی 25سالہ ساجدہ ، بلا ل کالونی کے 40سالہ فرقان علی، اولڈ مظفر آباد کے رہائشی 45سالہ شفیق اقبال ، ملیر کے رہائشی 78 سالہ الیاس چمن ،کورنگی کے رہائشی 32 سالہ عبدالقادر، ناظم آباد کے رہائشی 65سالہ رئیس عالم، گولیمارچورنگی کے رہائشی 72سالہ احمد فاروقی، اورنگی ٹاؤن کے 60 سالہ ذوالفقار احمد، اورنگی ٹاؤن کی رہائشی 78سالہ اصغری بیگم ،اورنگی ٹاؤن کی رہائشی 60سالہ رحیمہ ،میرپور کی رہائشی 45سالہ مریم، نارتھ ناظم آباد کی رہائشی 73 سالہ ثریا، سرجانی ٹاؤن کی 55 سالہ بی بی عائشہ، بلدیہ کی رہائشی 55 سالہ ثمینہ جمیل، دھورا جی کی رہائشی 55 سالہ عائشہ، اورنگی ٹاؤں کے 80 سالہ اصغر علی، سرجانی ٹاؤن کی 50 سالہ سیما، اورنگی ٹاؤن کی 55 سالہ عظمی صدف، نارتھ ناظم آباد کے 65 سالہ جان مسیح، سرجانی ٹاؤن کے 48 سالہ محمد محسن، نارتھ کراچی کے 75 سالہ خادم مسیح، لیاقت آباد کی 80 سالہ طیبہ خاتون، اورنگی ٹاؤن کے 56 سالہ محمد عامر، گلشن بہار کے 58 سالہ منور،لانڈھی کے رہائشی 55 سالہ شکیل ، ناظم آباد کے رہائشی 75سالہ یعقوب احمد، لیاقت آباد کے 55 سالہ محمد یار، اورنگی ٹاؤن کے 64سالہ عبدالصمد ،اورنگی ٹاؤن کی رہائشی 51سالہ حسینہ، اورنگی ٹاؤن کی 80سالہ تحزین ، ناظم آباد کے 65 سالہ محمد شاکر ،سرجانی ٹاؤن کی 50سالہ مریم اور سات نامعلوم شامل ہیں۔
اہم خبریں سے مزید