چینی آئی پی پیز کو ادائیگیوں کی ری شیڈولنگ، وزرائے خزانہ و توانائی بیجنگ جائینگے

اسلام آباد (مہتاب حیدر ) پاکستان کے وزیر خزانہ محمد اورنگزیب اور وزیر توانائی اویس لغاری آئندہ ہفتے کے اختتام پر چین کا دورہ کریں گے۔ جہاں وہ چینی آئی پی پیزکے واجب الادا 15ارب 40کروڑ ڈالرز کو ری شیڈول کرنے کے امکانات کا جائز ہ لیں گے ۔ دوسری جانب پاکستانی اور چین نے چین پاکستان اکنامک کو ریڈوز (سی پیک) کے دوسرے مرحلے کی اپ گریڈ یشن رپ کام شروع کردیا ہے ۔ دونوں ممالک نے مین لائن (ایم ایل ۔ون) پر مرحلے وار تعمیرات کو حتمی شکل دینے کےلیے فنانس کمیٹی کا اجلاس بلانے سے اتفاق کرلیا ہے ۔ یہ اجلاس آنے والے مہینوں میں کسی بھی وقت ہو سکتا ہے 2014-15ء میں سی پیک کی شروعات سے پروجیکٹ ایم ایل ون زیر التوا چلاآرہا ہے ۔ اب اس پر وجیکٹ کےلیے چین کی جانب سے تین ارب ڈالرز کی فنڈ نگ اور آئی ایم ایف سے 7ارب ڈالرز سے پروگرام کی منظوری پاکستان کےلیے چیلنج ہوگی ۔ توقع ہے کہ آئی ایم ایف کا ایگز یکٹیو بورڈ 37مہینوں پر محیط اس پروگرام کی کثیر الجہتی اور دوطرفہ کریڈ میٹرز کی مدس سے 3سے 5ہفتوں میں منظوری دے گا ۔