انٹر بینک میں ڈالر 10، اوپن مارکیٹ میں 27 پیسے تک مہنگا

کراچی ( اسٹاف رپورٹر) انٹر بینک میں ڈالر کی قیمت 10پیسے بڑھ گئی، اوپن مارکیٹ میں 27 پیسے تک کا اضافہ،یورو کی قیمت45پیسے تک اور پاؤنڈ کی قیمت 53پیسے تک بڑھ گئی،فاریکس ایسوسی ایشن کی جاری کردہ رپورٹ کے مطابق بدھ کو روپے کے مقابلے انٹر بینک میں 10پیسے کے اضافے سےڈالر کی قیمت خرید 278.50روپے سے بڑھ کر 278.60روپے اور قیمت فروخت 278.70 روپے سے بڑھ کر 278.80روپے ہو گئی ، اوپن مارکیٹ میں ڈالر کی قیمت خرید 27پیسے کے اضافے سے 279.00روپے سے بڑھ کر 279.27 روپے ہو گئی لیکن قیمت فروخت 10پیسے کی کمی سے 280.60 روپے سے کم ہو کر 280.50 روپے ہو گئی ،فاریکس رپورٹ کے مطابق یورو کی قیمت خرید 45 پیسے کے اضافے سے 299.90 روپے سے بڑھ کر 300.35 روپے جبکہ قیمت فروخت 3 پیسے کی کمی سے 302.82 روپے سے کم ہو کر 302.79 روپے ہو گئی ،رپورٹ کے مطابق بدھ کو برطانوی پاؤنڈ کی قیمت خرید 53 پیسے کے اضافے سے 356.36 روپے سے بڑھ کر 356.89 روپے ہو گئی لیکن قیمت فروخت 49 پیسے کی کمی سے 359.86 روپے سے کم ہو کر 359.37 روپے پر آگئی۔