• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کچھ آجرورکرز کو 2 بلین پونڈز مالیت کی لیوان کیشمنٹ سے انکار کر رہے ہیں

آج کا اخبار
یورپ سے
08 ستمبر ، 2024
لندن (پی اے) کچھ آجر جان بوجھ کر چھٹیوں کی درخواستوں (لیو ان کیشمنٹ) سے انکار کرتے ہیں، کارکنوں کو 2 بلین پونڈز مالیت کی چھٹیوں کی تنخواہ سے محروم کر کے دھوکہ دیا جا رہا ہے۔ ایک نئی رپورٹ کے مطابق ٹی یو سی نے کہا کہ اس کی تحقیق سے پتہ چلتا ہے کہ 1.1 ملین ملازمین نے گزشتہ سال ان چھٹیوں کی کوئی تنخواہ نہیں لی، کس کے وہ کام کر کے حقدار تھے۔ ٹی یو سی نے کہا ہے کہ بنیادی وجوہات میں ایک ایسا کلچر شامل ہے، جہاں کارکنوں کو تنخواہ کی چھٹی مانگنے کے اندیشے پر ان کے ساتھ ناگوار سلوک کیا جا سکتا ہے، عملہ غیر حقیقی کام کے بوجھ کے ساتھ جدوجہد کر رہا ہے، جس نے چھٹی لینے کا وقت نہیں دیا، نیز درخواستوں کو مسترد کر دیا گیا۔ اتوار کو ٹی یو سی کی سالانہ کانگریس کے آغاز کے موقع پر شائع ہونے والی رپورٹ میں کہا گیا ہے کہ چھٹیوں کے غائب ہونے والے ہفتوں میں ہر متاثرہ ملازم کو 1800 پونڈز کا اضافہ کیا گیا ہے۔ تحقیق نے اشارہ کیا کہ سیاہ فام اور اقلیتی نسلی (بی ایم ای) عملہ سب سے زیادہ متاثر ہوا، 6 فیصد کو پچھلے سال کوئی تنخواہ والی چھٹی نہیں ملی جبکہ 4 فیصد سفید فام ملازمین تنخواہ والی چھٹی سے محروم رہے۔ رپورٹ کے مطابق سب سے زیادہ تعداد میں سٹاف سے محروم ہونے والی ملازمتوں میں ویٹر اور ویٹریس (59000)، نگہداشت کرنے والے کارکنان اور گھر کی دیکھ بھال کرنے والے (55000) اور باورچی خانے اور کیٹرنگ اسسٹنٹ (50000) تھے، جس سے یہ ظاہر ہوتا ہے کہ کم تنخواہ والے ملازمین کو چھٹیوں کے حق سے محروم ہونے کا سب سے زیادہ خطرہ ہوتا ہے۔ ٹی یو سی نے مزید کہا کہ قانون کے نفاذ کے فقدان کی وجہ سے لاکھوں کارکن روزگار کے دیگر بہت سے بنیادی حقوق سے محروم ہیں۔ یونین نے کارکنوں کی مدد کے لئے روزگار کے حقوق کے موثر نفاذ پر زور دیا۔ ٹی یو سی فیئر ورک ایجنسی کے لئے لیبر کے منصوبوں کی حمایت کر رہی ہے اور اس نے پچھلی کنزرویٹو حکومت پر الزام لگایا ہے کہ وہ برے آجروں کو کام کی جگہ کے بنیادی حقوق سے محروم عملے کو دھوکہ دینے کی اجازت دیتی ہے۔ ٹی یو سی کے جنرل سیکرٹری پال نوواک نے کہا کہ ہم سب اپنے دوستوں اور کنبہ کے ساتھ وقت گزارنے کے لئے کام سے وقفے کے مستحق ہیں لیکن ایک ملین سے زیادہ کام کرنے والے افراد کو ان کی واجب الادا چھٹیوں میں سے کسی بھی تنخواہ سے محروم کر دیا گیا ہے اور سیکڑوں ہزاروں مزید ہیں، جو کم از کم اجرت کی ادائیگی جیسے بنیادی حقوق سے محروم ہیں۔ کنزرویٹو حکومت نے چشم پوشی کی اور برے آجروں کو اپنے عملے کو کام کی جگہ کے بنیادی حقوق سے محروم کرنے دیا ٹوری منسٹرز کو انفورسمنٹ باڈیز کو مناسب طریقے سے فنڈز فراہم کرنے کے بجائے یونین مخالف اقدامات متعارف کروا کر لوگوں کو وہ حاصل کرنے سے روکنے کی زیادہ فکر تھی۔ اب یہ ڈائل کو دوبارہ ترتیب دینے اور ٹوریز کی دوڑ کو نیچے تک ختم کرنے کا وقت ہے۔ اس ہفتے کانگریس میں ہم اس بات پر بحث کریں گے کہ ہم کام پر معیار کیسے بڑھا سکتے ہیں۔ یہ چونکا دینے والے نتائج بتاتے ہیں کہ ہمیں ایمپلائمنٹ رائٹس بل اور فیئر ورک ایجنسی کی ضرورت کیوں ہے۔
یورپ سے سے مزید