• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی چیمبر الیکشن،میاں پرویزاسلم گروپ کی کلین سویپ کامیابی

میرا شہر
اسلام آباد
12 ستمبر ، 2024
راولپنڈی(خبر نگار خصوصی)راولپنڈی چیمبر آف کامرس اینڈ انڈسٹری کی ایگزیکٹو باڈی کے الیکشن 2024میں میاں پرویز اسلم گروپ نے کلین سویپ کامیابی حاصل کر لی۔ ایسوسی ایٹ کلاس کی دس نشستوں کے لیے پولنگ کے بعد گنتی مکمل ہو گئی۔کامران سعید 1726 ووٹ، عتیق احمد ملک 1732 ووٹ، طاہر تاج بھٹی نے 1726 ،وسیم منہاس 1730 ، اختر امین 1723 ، خالد فاروق قاضی نے 1722 ،علی وقاص1731 ، سردار تنویر سرور 1724، حمزہ منیر 1717 اور عیاد افضل شیخ 1696 ووٹ لیکر منتخب ہوگئے ۔گروپ لیڈر سہیل الطاف نے ممبران ووٹرز کی جانب سے الیکشن میں بھرپور شرکت پرشکریہ ادا کرتے ہوئے کہا کہ میاں پرویز اسلم گروپ کے امیدوار آپ کی امیدوں پر پورا اتریں گے،ہمارے امیدوار تمام مارکیٹوں کی نمائندگی کررہے ہیں۔کارپوریٹ اور ایسوسی ایٹ ارکان پر مشتمل بیس رکنی کابینہ آئندہ ہفتے میں صدر نائب صدور کا چناؤ کرے گی۔
اسلام آباد سے مزید