فرمان الہی
نماز کے اوقات
کراچی ( اسٹاف رپورٹر) بزنس مین الائنس پینل (بی ایم اے) کے چیئر مین آصف سخی نے کراچی چیمبر کے انتخابات کے لئے قائم الیکشن کمیشن پر عدم اعتماد کا اظہار کرتے ہوئے کہا ہے کہ کراچی چیمبرکے انتخابات کے لئے برسر اقتدار گروپ کا نامزد کردہ الیکشن کمیشن برسراقتدارگروپ کا آلہ کار بن گیا ہے،اس لئے ہائی کورٹ کے جج، صدرکراچی بار، صدرکراچی پریس کلب کی زیر نگرانی کراچی چیمبر کے انتخابات کروائے جائیں، آصف سخی نے کہا کہ کراچی چیمبرآف کامرس کے انتخابات برائے 2024-26 کے انتخابات کروانے کے لیے تعینات الیکشن کمیشن برسراقتدارگروپ کا بھرپورساتھ دیتے ہوئے دھندلی کروانے کے لیے اوچھے ہتھکنڈوں پر اُتر آیا ہے تاکہ انتخابات کو متنازع بنایاجاسکے۔
