کراچی ( اسٹاف رپورٹر )پولیس کی جانب سے مبینہ طور پر شارٹ ٹرم کڈنیپنگ کی ایک اور واردات سامنے آگئی۔کورنگی مہران ٹائون سے شہری کو اغوا کر کے پانچ لاکھ روپے تاوان وصول کیا گیا۔شہری کو اغوا کیے جانے کی سی سی ٹی وی فوٹیج بھی سامنے آئی ہے۔فوٹیج میں پولیس کی وردی میں ملبوس دو افراد سمیت دیگر کو دیکھا جاسکتا ہے۔سادہ لباس ایک ملزم کو اسلحہ سمیت دیکھا جاسکتا ہے۔متاثرہ شہری ندیم کے مطابق 15 ستمبر کی شب ایک کورے کار اود موٹر سائیکلوں پر سوار افراد نے ریسٹورنٹ سے مجھے اغوا کیا اور میری آنکھوں پر پٹی باندھ دی گئی۔ متاثرہ شہری کے مطابق ملزمان مجھے ملزمان گاڑی میں گھماتے رہے اور مجھ سے دس لاکھ روپے کا مطالبہ کیا گیا۔رقم نہ دینے پر مجھے اور بچوں کو جان سے مارنے کی دھمکی دی گئی۔ندیم نے بتایا کہ پانچ لاکھ روپے پر معاملات طے ہوئے۔رقم لے کر اہلخانہ کو ناتھا خان پل کے قریب پیٹرول پمپ پر بلوایا گیا اور رقم وصول کرنے کے بعد کچھ فاصلے پر لے جاکر مجھے رہا کردیا گیا۔شہری کے مطابق مسلح افراد نے چار گھنٹے تک مجھے یرغمال رکھا۔واردات کا مقدمہ متاثرہ شہری کی مدعیت میں تھانہ کورنگی صنعتی ایریا میں درج کر لیا گیا ہے جس میں دو وردی میں ملبوس افراد سمیت سات سے آٹھ افراد کابتایا گیا ہے۔
فرمان الہی
نماز کے اوقات
