• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مصنوعی ذہانت کے استعمال سے ملازمتوں کے دگنے مواقع پیدا ہونگے، ثاقب احمد

آج کا اخبار
اہم خبریں
19 ستمبر ، 2024
کراچی ( اسٹاف رپورٹر) مصنوعی ذہانت کے استعمال سے ملازمتوں کے دگنے مواقع پیدا ہونگے۔ مصنوعی ذہانت یا اے آئی سے متعلق یہ غلط فہمی پائی جاتی ہے کہ اس سے بڑے پیمانے پر بے روز گاری ہوگی مگر حقیقت اس سے مختلف ہے مصنوعی ذہانت سے بہت سے موجودہ ملازمتیں ختم ہونگی مگر جتنی ملازمتیں ختم ہونگی اس سے دگنی ملازمتوں کے مواقع پیدا بھی ہونگے، پاکستان افغانستان، عراق اور بحرین میں سافٹ وییئر کمپنی ایس اے پی کے ڈائریکٹر ثاقب احمد نے میڈیا سے بات چیت میں کہا کہ معیشت کے لئے مشکل وقت گزر گیا ہےپاکستان میں مارکیت تیزی سے ترقی کررہی ہے۔ پاکستان میں اس وقت ترقی کے بہت زیادہ مواقع نظر آرہے ہیں جو کمپنیاں ملک چھوڑ کر جارہی ہیں وہ اپنے مسائل کی وجہ سے جاری ہیں۔ ملک کی انفارمیشن ٹیکنالوجی کی مارکیٹ میں ترقی اور کاروبار کی بہت گنجائش موجود ہے۔ پاکستان میں فائر وال کے نفاذ اور انٹر نیٹ کےسست ہونے سے ایس اے پی کے سسٹمز پر پڑنے والے اثرات کے سوال کا جواب دیتے ہوئے ثاقب احمد کا کہنا تھاکہ پاکستان میں اس وقت بھی انٹر نیٹ کی رفتار افریقی ملکوں سے بہتر ہے۔ فائر وال یا انٹرنیٹ سست ہونے سے کوئی کلائنٹ متاثر نہیں ہوا۔ کیونکہ سافٹ ویئر سسٹم بہت کم انٹرنیٹ بینڈورتھ پر کام کرتا ہے۔
اہم خبریں سے مزید