-
فرمان الہی
-
نماز کے اوقات
- جمعرات 21؍ربیع الاول 1446ھ 26؍ستمبر 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
پاکستانی کچھ مشہور شخصیات ایسی بھی گزری ہیں جنہوں نے بہت چھوٹی عمر میں شہرت حاصل کی اور کم عمری میں ہی اپنے خالقِ حقیقی سے جا ملیں۔
کروڑوں دلوں میں گھر کرنے والی شوبز، کھیل، گلوکاری اور ماڈلنگ کی دنیا سے تعلق رکھنے والی یہ شخصیات آج بھی اپنے مداحوں کے دلوں میں زندہ ہیں۔
اس فہرست میں سب سے پہلا نمبر فٹ بال کی کھلاڑی اسٹرائیکر شاہ لیلیٰ احمد زئی بلوچ کا ہے جن کا انتقال 20 سال کی عمر میں ہوا تھا۔
خاندانی ذرائع کے مطابق شاہ لیلیٰ کار کی مسافر سیٹ پر سفر کر رہی تھیں کہ کراچی کے علاقے دو دریا میں ان کی کار کو حادثہ پیش آ گیا، انہیں اسپتال پہنچایا گیا لیکن وہ جانبر نہ ہوسکیں۔
قندیل بلوچ ایک سوشل میڈیا اسٹار تھیں جنہیں ان کے بھائی نے 15 جولائی 2016ء کو غیرت کے نام پر قتل کر دیا تھا۔
قندیل بلوچ کی عمر اس وقت محض 26 سال تھی۔
ٹی وی اداکارہ اور ماڈل ثناء خان 2014ء میں ایک روڈ ایکسیڈنٹ کے نتیجے میں جاں بحق ہو گئی تھیں۔
اس وقت ان کی عمر 28 سال تھی۔
اداکارہ ثناء خان پاکستانی اداکار بابر خان کی اہلیہ تھیں۔
پاکستانی فلمی اداکارہ اور رقاصہ نادرہ کا انتقال 30 سال کی عمر میں ہوا تھا، انہیں ناچے ناگن (1987ء) اور مِس اللّٰہ راکھی (1989ء) کے لیے جانا جاتا ہے۔
گلوکارہ نازیہ حسین کا انتقال 35 سال کی عمر میں ہوا تھا۔
نازیہ حسن کو برِصغیر میں پاپ موسیقی کے بانیوں میں شمار کیا جاتا ہے۔
1980ء میں محض 15 سال کی عمر میں وہ اس وقت شہرت کی بلندیوں تک پہنچ گئی تھیں جب انہوں نے بھارتی فلم ’قربانی‘ کا گیت ’آپ جیسا کوئی میری زندگی میں آئے، تو بات بن جائے‘ گایا۔
اس گانے کی شہرت کے بعد نازیہ حسن نے گیتوں کے کئی البم اپنے بھائی زوہیب حسن کے ساتھ جاری کیے۔
نازیہ حسن 3 اپریل 1965ء کو کراچی پاکستان میں پیدا ہوئیں، انہوں نے 1995ء میں شادی کی اور 2000ء میں سرطان کے سبب ان کی وفات ہو گئی۔
پاکستانی فلم انڈسٹری کے چاکلیٹی ہیرو وحید مراد 1983ء میں محض 40 سال کی عمر میں اپنے خالقِ حقیقی سے جا ملے تھے۔
وحید مراد نے 120 سے زائد فلموں میں کام کیا جن میں 8 پنجابی اور ایک پشتو فلم بھی شامل تھی۔
وحید مراد کامیاب کیریئر دیکھنے کے بعد 23 نومبر 1983ء کو کراچی میں اپنی رہائش گاہ پر مردہ پائے گئے تھے۔
اس وقت ان کی مبینہ خودکشی کی خبریں بھی چلی تھیں لیکن آج تک اس بات کی تصدیق نہیں ہو سکی کہ آیا ان کی موت کیسے ہوئی تھی؟
سابق ایم این اے، معروف میزبان ڈاکٹر عامر لیاقت حسین کا 9 جون 2022ء کو کراچی میں انتقال ہوا تھا۔
اس وقت ان کی عمر 50 سال تھی۔
عامر لیاقت حسین کو تشویش ناک حالت میں نجی اسپتال منتقل کیا گیا تھا جہاں ڈاکٹرز نے طبی معائنے کے بعد عامر لیاقت کی موت کی تصدیق کی تھی۔
پاکستانی ڈرامہ انڈسٹری کا مشہور نام، اداکارہ نائلہ جعفری 17 جولائی 2021ء کو اپنے خالقِ حقیقی سے جا ملی تھیں۔
اس وقت ان کی عمر 56 سال تھی۔
معروف اداکارہ نائلہ جعفری کا طویل علالت کے بعد کراچی میں انتقال ہوا تھا، وہ کئی سال سے کینسر میں مبتلا تھیں۔
