• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آئی سی سی T20رینکنگ، لیام لیونگسٹون پہلے نمبر پر آگئے

آج کا اخبار
یورپ سے
20 ستمبر ، 2024
لندن(نیوز ڈیسک) انٹرنیشنل کرکٹ کونسل (آئی سی سی) نے ٹی 20کی نئی رینکنگ جاری کر دی۔ انگلینڈ کے آل راؤنڈر لیام لیونگسٹون آسٹریلیا کے خلاف زبردست کارکردگی کے بعد سات درجے چھلانگ لگاکر آل راؤنڈرز کی رینکنگ میں پہلے نمبر پر آگئے جبکہ بیٹنگ رینکنگ میں بھی وہ 17درجے چھلانگ لگا کر 33ویں نمبر پر پہنچ گئے۔آل راؤنڈرز میں آسٹریلیا کے مارکس اسٹوئنس نمبر ون سے دوسری پوزیشن پر چلے گئے۔ زمبابوے کے سکندر رضا اور بنگلا دیش کے شکیب الحسن ایک ایک درجہ تنزلی کے بعد بالترتیب تیسرے اور چوتھے نمبر پر چلے گئے، ٹاپ ٹین آل راونڈرز میں پاکستان عماد وسیم بھی شامل ہیں۔بیٹنگ رینکنگ میں آسٹریلیا کے ٹریوس ہیڈ بدستور پہلے نمبر پر ہیں، بھارت کے سوریا کمار یودو دوسری اور انگلینڈ کے فل سالٹ تیسری پوزیشن پر ہیں۔بیٹنگ رینکنگ میں جوش انگلس 13 درجے کی ترقی پاکر ٹاپ ٹین میں پہنچ گئے، بابراعظم پانچویں اور محمد رضوان چھٹی پوزیشن پر براجمان ہیں۔
یورپ سے سے مزید