• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان کے اسکواش پلیئر عاصم خان ورلڈ ٹائٹل جیتنے میں کامیاب

آج کا اخبار
یورپ سے
30 ستمبر ، 2024
ورجینیا( نیوز ڈیسک)پاکستان کے ٹاپ اسکواش کھلاڑی محمد عاصم خان نے امریکا میں ہونے والے شارلٹس ول اوپن اسکواش چیمپئن شپ 2024کا ٹائٹل اپنے نام کر لیا، یہ عاصم خان کے کیریئر کا پہلا ورلڈ ٹور ٹائٹل ہے۔امریکی ریاست ورجینیا میں ہونے والے ایونٹ کے فائنل میں عاصم خان نے ٹاپ سیڈ انگلینڈ کے نک وال کو 65منٹ جاری رہنے والے سخت مقابلے میں 3-1سے شکست دی۔پاکستانی کھلاڑی نے پہلا گیم 12-14سے گنوایا لیکن اس کے بعد زبردست کم بیک کرتے ہوئے اگلے تین گیمز 12-10، 11-5 اور 11-6سے جیت کر ٹائٹل اپنے نام کیا۔شارلٹس ول اوپن چیمپئن شپ کی مجموعی انعامی رقم 28,750ڈالرز تھی اور یہ پی ایس اے ورلڈ ٹور کوپر ایونٹ تھا۔ اس فتح کے ساتھ عاصم خان کو 500 رینکنگ پوائنٹس بھی ملے، جو ان کی عالمی رینکنگ کو مزید بہتر کرنے میں مددگار ثابت ہوں گے۔
یورپ سے سے مزید