چھالیہ اور تمباکو منہ کے کینسر کی بڑی وجہ ہیں، عالمی تحقیق

واشنگٹن( نیوز ڈیسک) ایک عالمی سطح پر کی گئی تحقیق میں انکشاف ہوا ہے کہ دنیا بھر میں منہ کے کینسر کے ایک تہائی کیسز کا تعلق تمباکو یا چھالیہ کھانے سے ہے۔ تحقیق کے مطابق 2022میں منہ کے کینسر والے 120000 لوگوں میں یہ حالت تمباکو کھانے اور چھالیہ چبانے کی وجہ سے ہوئی۔انٹرنیشنل ایجنسی فار ریسرچ آن کینسر کے ایک سائنسدان ڈاکٹر ہیریئٹ رمگے نے کہا کہ تمباکو اور چھالیہ کی مصنوعات دنیا بھر میں صارفین کیلئے بہت سی مختلف شکلوں میں دستیاب ہیں اور یہ منہ کے کینسر سمیت متعدد بیماریوں سے منسلک ہوتی ہیں۔انہوں نے کہا کہ ہمارے نتائج ہیلتھ کیئر اداروں پر ان مصنوعات کے بوجھ اور استعمال کو کم کرنے کیلئے روک تھام کی حکمت عملیوں کی اہمیت کو اجاگر کرتے ہیں۔