• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

دنیا میں 20 لاکھ بچوں کو شدید غذائی قلت سے موت کا خطرہ ہے، یونیسیف

آج کا اخبار
یورپ سے
18 اکتوبر ، 2024
نیویارک (نیوز ڈیسک) اقوام متحدہ کے ادارے عالمی امدادی فنڈ برائے اطفال (یونیسیف) کا کہنا ہے کہ دنیا بھر میں شدید غذائی قلت کا شکار 20لاکھ بچوں کو موت کا خطرہ لاحق ہوگیا ہے۔ یونیسیف کی جانب سے جاری کردہ بیان میں کہا گیا ہے کہ زندگی بچانے کے علاج میں استعمال ہونے والی خوراک (آر یو ٹی ایف) کی خریداری کے لیے فنڈز کی قلت کے باعث دنیا بھر میں شدید غذائی قلت کا شکار 20لاکھ بچوں کو موت کا خطرہ لاحق ہوگیا ہے۔ اس حوالے سے ایک رپورٹ کے مطابق رواں سال پاکستان میں شدید غذائی قلت کا شکار صرف 2لاکھ 62ہزار بچوں کو زندگی بچانے والی خوراک (آر یو ٹی ایف) مہیا کی جاسکی ہے۔ رپورٹ میں بتایا گیا ہے کہ پاکستان میں غذائی قلت کا شکار بچوں کی زندگی بچانے والی خوراک (آر یو ٹی ایف) کی موجودہ سپلائی مارچ 2025میں ختم ہونے کا تخمینہ لگایا گیا ہے ایک اندازے کے مطابق فنڈز کی قلت کے باعث 12شدید متاثرہ ممالک میں 20لاکھ بچوں کو جان بچانے والی خوراک (آر یو ٹی ایف) کی فراہمی میں مشکلات کا سامنا ہے، مالی، نائیجریا، نائیجر اور چاڈ پہلے ہی جان بچانے والی خوراک (آر یو ٹی ایف) کی قلت کا شکار ہیں یا ہونے والے ہیں۔ اب پاکستان، کیمرون، سوڈان، مڈغاسکر، جنوبی سوڈان، کینیا، کانگو اور یوگنڈا آئندہ سال کے وسط تک جان بچانے والی خوراک (آر یو ٹی ایف) کی قلت کا شکار ہوجائیں گے۔
یورپ سے سے مزید