• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وفاقی اردو یونیورسٹی کا اساتذہ اوپن فورم ناکام ہوگیا

آج کا اخبار
اہم خبریں
25 اکتوبر ، 2024
کراچی(اسٹاف رپورٹر) وفاقی اردو یونیورسٹی کی انتظامیہ کی جانب سے جمعرات کو منعقدہ اساتذہ کا اوپن فورم ناکام ہوگیا۔ اس فورم میں عبدالحق اور گلشن کیمپس کے 245اساتذہ میں سے صرف ایک درجن سے بھی کم اساتذہ نے شرکت کی۔ اساتذہ کی عدم شرکت نے اس اجلاس کی اہمیت کو کم کر دیا۔ ذرائع کے مطابق، اوپن فورم میں عبدالحق کیمپس کی ایک خاتون استاد کو خاص طور پر تنقید کا نشانہ بنایا گیا۔ یہ استاد موجودہ احتجاجی تحریک میں کافی سرگرم رہی ہیں، جس کے باعث ان کی مخالفت میں آوازیں اٹھائی گئیں۔ اس کے علاوہ، ایک سابق قائم مقام خازن، جو حال ہی میں نامزد کنندہ کمیٹی کے رکن منتخب ہوئے ہیں، پر بھی تنقید کی گئی۔ اساتذہ نے سوال اٹھایا کہ انہیں کیوں منتخب کیا گیا۔ بعد ازاں سینڈیکیٹ کا اجلاس منعقد ہوا، جس میں متعدد اہم فیصلے کیے گئے۔ تاہم، اس اجلاس میں بھی حاضری کافی کم رہی۔ ذرائع کے مطابق، سینڈیکیٹ میں حال ہی میں بغیر سلیکشن بورڈ ہونے والی بعض غیر تدریسی عمال کی تقرریوں پر غلطی کا اعتراف کرتے ہوئے انہیں کالعدم کرنے کا عندیہ دیا گیا۔ اجلاس میں یہ بھی فیصلہ کیا گیا کہ کئی شعبوں کو ایک دوسرے کے ساتھ ضم کر دیا جائے۔ مثلاً، ایجوکیشن کے تین ڈیپارٹمنٹس کو ایک شعبے میں ضم کیا گیا۔
اہم خبریں سے مزید