اسلام آباد ( خصوصی نامہ نگار ) انسداد منشیات فور س نے 5 ملزمان کو گرفتار کر کے 2 کروڑ سے زائد مالیت کی 223.02 کلو گرام منشیات برآمد کر لی ۔ اسلام آباد کی دو یونیورسٹیوں کے قریب دو ملزموں سے 5کلو 800 گرام چرس ، راولپنڈی میں یونیورسٹی کے قریب ملزم سے 4 کلو چرس،جی ٹی روڈ اٹک کے قریب ملزم سے 6کلو چرس ، لاہور ائرپورٹ پر سری لنکا جانے والے مسافر سے 4 کلو 820 گرام ہیروئن، قلعہ عبداللہ سے 170 کلو چرس ،کوہاٹ کے پہاڑی علاقے سے 18 کلو چرس،رنگ روڈ پشاور سے 14 کلو 400 گرام چرس برآمد کر لی گئی۔