فرمان الہی
نماز کے اوقات
کراچی ( اسٹاف رپورٹر) سربراہ پاکستان سنی تحریک محمد شاداب رضا نقشبندی کی ہدایت پر ملک بھر میں کشمیر پر بھارتی غاصبانہ تسلط کے خلاف یوم سیاہ منایا گیا،کارکنان وعوام نے کشمیریوں سے اظہار یکجہتی کیا اور بھارت سے نفرت کا اظہار کرتے ہوئے جموں کشمیر سے فوری طور پر بھارتی فوج کو نکل جانے اور کشمیریوں پر مظالم وبربریت بند کرنے پر زور دیا، کراچی پریس کلب کے باہر مظاہرے میں مرکزی رہنما فہیم الدین شیخ، رکن مرکزی رابطہ کمیٹی غلام مرتضیٰ قادری، امیر کراچی محمد فرقان قادری،ارکان رابطہ کمیٹی محمد عامر قادری،محمد عالم قادری ودیگر موجود تھے،مرکزی رہنما فہیم الدین شیخ نے کہا کہ بھارت دنیا کا وہ واحد ملک ہے جو اپنی آزادی سے پہلے کشمیر پر تسلط کرنے کی ناپاک منصوبہ بندی کرچکا تھا،اقوام متحدہ نے کی قراردادوں کے باوجود کشمیریوں کو ان کا حق خود ارادیت نہ ملنا انصاف کا قتل کرنے کے مترادف ہے۔
