• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

3روزہ سالانہ اسلامی اجتماع و عرس کی تقریبات یکم نومبر سے پشاور میں شروع ہونگی

میرا شہر
پشاور
29 اکتوبر ، 2024
پشاور(جنگ نیوز)بزم خیریہ انٹرنیشنل پاکستان کے زیراہتمام3روزہ سالانہ 61واں اصلاحی، روحانی، تبلیغی و اسلامی اجتماع و عرس کی تقریبات بمقام دربار عالیہ مرشدآباد شریف کوہاٹ روڈ بالمقابل آڈٹ کالونی پشاور شہر میں 01،02 اور 03نومبر بروز جمعہ، ہفتہ او ر اتوارکو منعقدہو رہی ہے۔ جس میں ملک کے سیاسی و سماجی شخصیات کے علاوہ ملک کے مشہورو معروف نعت خواں و ثنا خواں حضور پاکؐ کی بارگاہ میں نذرانہ عقیدت پیش کرینگے۔ تقریب فیضان نظر خواجہ ابوالخیر پیر محمد عبداللہ جان اور زیرسرپرستی خواجہ پیر محمد بدر عالم جان اور زیر صدارت ابوالعصوم پیر محمد فخر عالم جان ہوگی۔ عرس مبارک کی تقریبات یکم نومبر جمعہ بعد از نماز مغرب محفل حسن قرات و نعت خوانی سے شروع ہوگی۔ 2 نومبربروز ہفتہ بعد از نماز عشاء بڑی مرکزی محفل پاک ہوگی اور 3نومبر بروز اتوارصبح 9بجے سے بعد نماز ظہرموئے مبارک کے زیر سایہ پیرخواجہ ابوالجمال اختتامی خصوصی دعا کریں گے ۔ یہ پروگرام انٹرنیٹ پر براہ راست اندرون ملک و بیرون ممالک میں دکھایا جائے گا۔ عرس مبارک میں شرکت کیلئے2 نومبر بروز ہفتہ دن 12بجے دن آستانہ خیریہ G-7\2 ستارہ مارکیٹ اسلام آباد، ٹی بی ہسپتال اصغر مال روڈ نذد سٹی میرج ہال بعد نماز ظہر اور جہازگراؤنڈ شکریال نزد چونگی نمبر 8سے بسیں پشاور کیلئے روانہ ہونگی۔اسکے علاوہ ملک کے دیگر شہروں سے بھی اپنے مقررہ وقت پر بسیں روانہ ہوگی۔
پشاور سے مزید