فرمان الہی
نماز کے اوقات
کراچی (سٹاف ر پو ر ٹر )امیر جماعت اسلامی کراچی منعم ظفر خان نے کہا ہے کہ کراچی کے نوجوان رمیز ابراہیم خان نے امریکا میں منعقد باڈی بلڈنگ کے عالمی مقابلے میں گولڈ میڈل جیت کر مسٹر یونیورس2024کا اعزاز حاصل کر کے نہ صرف اہل کراچی بلکہ پوری قوم کا سر فخر سے بلند کر دیا ہے، 44ممالک کے باڈی بلڈرز کے ساتھ مقابلے میں نمایاں اور شاندار کامیابی حاصل کر کے عالمی سطح پر پاکستان کا نام روشن کیا ہے، حکومت اور متعلقہ وزارت کی ذمہ داری ہے کہ وہ رمیز ابراہیم خان کی سرپرستی کریں اور نچلی سطح پر نوجوانوں کے لیے صحت مند سرگرمیوں کے مواقع پیدا کریں،ان خیالات کا اظہار انہوں نے ادارہ نور حق میں رمیز ابراہیم خان سے ملاقات کے دوران گفتگو کرتے ہوئے کیا، قبل ازیں جماعت اسلامی کے رہنماؤں نے ادارہ نور حق آمد پر رمیز ابراہیم کا خیر مقدم کیا، ملاقات میں کے ایم سی میں جماعت اسلامی کے ڈپٹی پارلیمانی لیڈر قاضی صدر الدین، ڈپٹی سیکریٹری اطلاعات صہیب احمد اور دیگر بھی موجود تھے، منعم ظفر خان نے رمیز ابراہیم کو جماعت اسلامی کی جانب سے اعزازی چیک اور شیلڈ بھی پیش کی،رمیز ابراہیم نے منعم ظفر خان کا شکریہ ادا کیا ۔
