• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سپریم کورٹ ججز کی تعداد 23 ہوگی، بل جمعہ کو پیش کئے جانے کا امکان

آج کا اخبار
اہم خبریں
30 اکتوبر ، 2024
اسلام آباد(مانیٹرنگ نیوز،ایجنسیاں،جنگ نیوز) سپریم کورٹ میں ججز کی تعداد 17 سے بڑھا کر 23 کرنے کا فیصلہ کیا گیا ہے۔سپریم کورٹ چیف جسٹس سمیت 23 ججز پر مشتمل ہو گی اور اس حوالے سے قومی اسمبلی میں بل جمعے کو پیش کیے جانے کا امکان ہے، ججز کی تعداد بڑھانے کا بل حکومت کی جانب سے پیش کیا جائے گا۔بل نجی کارروائی کے دن بیرسٹر دانیال چودھری پہلے ہی پیش کر چکے ہیں، بل کی منظوری کے لیے قومی اسمبلی اجلاس میں جمعے تک کی توسیع کی گئی ہے، ترمیم شدہ شیڈول کے مطابق اجلاس آج ختم ہو جانا تھا جبکہ پریکٹس اینڈ پروسیجر ایکٹ میں ترمیم پر بھی مشاورت جاری ہے۔دوسری جانب ذرائع کا کہنا ہے کہ سپریم کورٹ پریکٹس اینڈ پروسیجر کمیٹی میں ججوں کی تعداد 3سے بڑھا کر 5کرنے کی تجویز زیر غور ہے۔
اہم خبریں سے مزید