فرمان الہی
نماز کے اوقات
کراچی( اسٹاف رپورٹر )رات گئے پولیس مقابلوں میں دو ڈاکو مارے گئے جبکہ دو کو گرفتار کر لیا گیا،مقابلے میں پولیس اہلکار بھی زخمی ہوا۔تفصیلات کے مطابق گلبہار تھانے کی حدود گولیمار فردوس کالونی ثناء ٹاور کے قریب مبینہ پولیس مقابلے میں ب 2 ڈاکو ہلاک ہو گئے۔پولیس کے مطابق کانسٹیبل بابر نے بہادری سے مقابلہ کرتے ہوئے 2 ڈاکوؤں کو جوابی فائرنگ میں ہلاک کردیا ۔کانسٹیبل ایس ایس پی آفس ساؤتھ میں تعینات ہے جو ڈاکوؤں کی فائرنگ سے پیر میں گولی لگنے سے زخمی ہوا ہے۔ہلاک ڈاکوؤں کی لاشوں کو اسپتال منتقل کیا گیا جبکہ کانسٹیبل بابر کو بھی طبی امداد کے لئے اسپتال منتقل کر دیا گیا ہے۔ سر سید پولیس نے کلیانہ چوک سیکٹر 11-C/3 نارتھ میں مبینہ مقابلے میں 2ڈاکوؤں کو گرفتار کرلیا۔ملزمان کی شناخت علی رضا ولد محمد سلیم اور محمد عمر ولد محمد انیس کے ناموں سے ہوئی ۔ ملزمان کے قبضے سے ایک عدد پستول 30 بور ،لوڈ میگزین،ایک عدد جعلی پستول ، ایک عدد موٹر سائیکل اور چار عدد موبائل فون برآمد کیے گئے۔
