فرمان الہی
نماز کے اوقات
کراچی( اسٹاف رپورٹر )ورلڈ کلچر فیسٹیول کی اختتامی تقریب کے لیے ٹریفک پلان جاری کر دیا گیا ۔ٹریفک پولیس کے مطابق ورلڈ کلچرفیسٹیول کی اختتامی تقریب آج ( ہفتہ ) کی شام وائے ایم سی اے گراؤنڈ میں منعقد کی جائے گی۔ اس سلسلے میں ایم آر کیانی روڈ( شاہین کمپلیکس سے ایم آر کیانی چوک ) ،سرور شہید روڈ(ایم آر کیانی چوک سے پریس کلب )،اسٹریچن روڈ نزد آرٹس کونسل عام ٹریفک کیلئے بند ہوں گے ۔ان روڈ پر شرکاء اپنی گاڑی کھڑی کرکے تقریب میں شامل ہوسکتے ہیں۔ڈی جے کالج گراؤنڈ، بارہ دری اور فیضی لائبریری میں بھی پارکنگ کے انتظامات کئے گئے ہیں۔ٹریفک پولیس کے مطابق شاہین سے جانب ایم آر کیانی،کھجور چوک سے فوارہ چوک(ایوان صدر روڈ) جانب زینب مارکیٹ،کورٹ روڈ سے جانب ایم آر کیانی چوک روڈ عام ٹریفک کر لئے عارضی طور پر بند ہوں گے۔ٹریفک پولیس نے عوام الناس سے درخواست کی ہے کہ وہ زحمت و پریشانی سے بچنے کیلئے درج بالا روٹ پر پروگرام کے پیش نظر جانے سے گریز کریں اور متبادل راستہ اختیار کریں۔
