• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نیو ملتان کے مختلف بلاکس میں فراہمی آب گزشتہ پانچ روز سے معطل

میرا شہر
ملتان
02 نومبر ، 2024
ملتان (سٹاف رپورٹر) لو انکم ہاؤسنگ سکیم نیو ملتان کے بلاکس یو، وی،ڈبلیو،ایکس،بہاری کالونی،ہمت آباد اور بستی کمہارانوالی کے اہلیان کو فراہمی آب گزشتہ پانچ روز سے معطل ہے اہل علاقہ پینے کے صاف پانی کی بوند بوند کو ترس رہے ہیں،جبکہ کھادفیکٹری کی وجہ سے زیر زمین پانی انتہائی آلودہ اور مضر صحت ہے۔اہلیان کی زندگیاں اجیرن ہو گئی ہیں۔لیکن محکمہ واسا ملتان اور ایم ڈی اے حکام  خواب غفلت کا مظاہرہ کر رہے ہیں ۔ایکشن کمیٹی لو انکم ھاؤسنگ سکیم نیو ملتان کے چیئرمین محفوظ خان شجاعت،انجمن تاجران الفلاح مارکیٹ کے جاوید اختر خان،انجمن تاجران بہاری کالونی کے شیخ جمشید علی،سابقہ کونسلر ڈاکٹر علی شیر،سابق کونسلر ملک اسلم لک،سابق کونسلر شیخ عمر علی اپنے مشترکہ بیان میں  کمشنر ،ڈپٹی کمشنر ملتان اور ڈی جی ایم ڈی اے  سے فوری  نوٹس لینے  کا مطالبہ کرتے ھوئے کہا کہ فراہمی آب کو ہنگامی بنیادوں پر یقینی بنائیں۔
ملتان سے مزید