• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لاکھوں کی چوریاں،شہری نقدی،زیورات سےمحروم،27موٹرسائیکل اڑالئے گئے

میرا شہر
اسلام آباد
06 نومبر ، 2024
اسلام آباد ( ایوب ناصر، خصوصی نامہ نگار ) جڑواں شہروں میں ڈکیتی، سرقہ بالجبر ، سٹریٹ کرائم، نقب زنی اور چوری کی وارداتوں میں نقدی، زیورات دیگر قیمتی سامان کے علاوہ 27 موٹر سائیکل، 40 موبائل فون اڑا لئے گئے ۔ 2 موٹر سائیکل، 8 موبائل فون اور لاکھوں کی نقدی اسلحہ کی نوک پر جبکہ 5 موبائل فون جھپٹا مار کر چھین لئے گئے۔ 44 گھروں کے تالے ٹوٹ گئے اور چور نقدی اور زیورات کے علاوہ دیگر قیمتی گھریلو سامان لے اڑے۔تھانہ ائر پور ٹ کے علاقے افضل ٹاؤن میں سہیل گل کے گھر سے 31 لاکھ روپے کے زیورات اور نقدی ،اسی تھانے کے علاقے میں محمد ایوب کی پونے تین لاکھ روپے کی نقدی اور موبائل ،تھانہ بنی کے علاقے میں حسنین ظفر کے 12 لاکھ روپے مالیت کے زیورات ،تھانہ واہ کینٹ کے علاقے قبر ستان روڈ پر محمد حیات سے پانچ لاکھ روپے کے زیورات اور نقدی ، تھانہ وارث خان کے علاقے میں محمد وقاص کی ساڑھے چار لاکھ روپے کی چاندی ، کوہستانی محلہ میں محمد عابد کی 50 ہزار کی نقدی اور دو لاکھ کے زیورات ،تھانہ صادق آباد کے علاقے میں قمر عباس کی 45 ہزار کی نقدی ،تھانہ ویسٹریج کے علاقے میں اسد محمود کے ساڑھے چار لاکھ روپے اور موبائل ،تھانہ نصیر آباد کے علاقے یونیورسٹی ٹاون میں محمد ندیم کا دو لاکھ روپے مالیت کا سریا جبکہ ٹینج بھاٹہ چوک میں عمر فاروق کے پونے تین لاکھ روپے ، صدر بیرونی کے علاقے میں عشرت کے ایک لاکھ روپے اور تھانہ دھمیال کے علاقے میں فوزیہ شاہین کے دو لاکھ 30 ہزار روپے چوری کر لئے گئے۔
اسلام آباد سے مزید