پشاور (جنگ نیوز)خیبرپختونخوا کے مزاحیہ اداکار سید رحمٰن شینودیگر فنکاروں کے ساتھ آج نشترہال پشاور میں فن کا مظاہرہ کریں گے۔معروف اداکار و میزبان سجاد خلیل کے مطابق پشتو اردو میوزیکل شو’’خکلے دے وطن زما‘آج شام پانچ بجے پیش کیا جائے گا جس میں وصال خیال ‘ فرح خان‘ فضل اکبر راہی‘ تواب سرحدی‘ ڈاکٹر عرفان‘ جمشید خان‘ مسعود خان‘ امتیاز طوطی اور جمال آفریدی سمیت دیگر فنکار فن کا مظاہرہ کریں گے۔ ایک وقفے کے بعد نشترہال میں دوبارہ ثقافتی سرگرمیاں شروع ہوئی ہیں جس سے فنکار برادری کو کافی خوشی ہوئی ہے کیونکہ پشاور میں کام کے مواقع نہ ہونے کے برابر ہیں اس لئے نشترہال میں معمول کے ساتھ سرگرمیاں ہوتی رہیں تو ایک جانب فنکاروں کو روزگار میسر ہوگا تو دوسری جانب عام لوگوں کو بھی سستی اور معیاری تفریح فراہم ہوگی۔
فرمان الہی
نماز کے اوقات
