• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اسلام کی پہلی مسجد ’’قبا‘‘ میں ایک کروڑ 90 لاکھ افرادنے عبادت کی

آج کا اخبار
یورپ سے
18 نومبر ، 2024
مدینہ منورہ( نیوز ڈیسک)مدینہ منورہ میں واقع اسلام کی پہلی مسجد مسجد قبا میں اس سال عبادت گزاروں نے ریکارڈ تعداد میں شرف عبادت حاصل کی۔سعودی میڈیا کے مطابق مسجد قبا کی توسیع کا کام خادم حرمین شریفین شاہ سلمان بن عبدالعزیز کے حکم پر 2022میں شروع کیا گیا تھا۔اس توسیعی منصوبے کے تحت مسجد کا رقبہ 50,000مربع میٹر تک ہوگا اور بہ یک وقت 66ہزار نمازی ادا کرسکتے ہیں۔علاوہ ازیں مسجد اور اس کے صحن کو 8000مربع میٹر نئے قالینوں سے آراستہ کیا گیا ہے جب کہ زم زم کو ذخیرہ کرنے کی گنجائش 98000لیٹر تک پہنچ جائے گئی۔مسجد قبا کے احاطے میں 14ہزار مربع میٹر سے زائد رقبہ شامل ہے، جہاں بزرگوں اور معذور افراد کی نقل و حرکت کے لیے دن رات ٹرانسپورٹ خدمات فراہم کی جاتی ہیں۔مسجد قبا میں نمازیوں کی تعداد بڑھنے سے اس سال کے آغاز سے اکتوبر تک 19ملین سے زائد مسلمان فریضۂ نماز ادا کرچکے ہیں۔یاد رہے کہ مسجد قبا وہ پہلی مسجد تھی جو نبی کریم صلی اللہ علیہ وسلم نے ساتویں صدی میں مکہ سے مدینہ آمد کے بعد تعمیر کی تھی۔
یورپ سے سے مزید