• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور میں ونٹیج کلاسک آٹوموٹو میلہ ملک بھر سے گاڑیوں کے شوقین کی شرکت

میرا شہر
پشاور
30 نومبر ، 2024
پشاور( خصوصی نامہ نگار)ڈائریکٹوریٹ جنرل آف سپورٹس خیبرپختونخوا کے زیراہتمام خوبصورت، قدیم اور چمچماتی گاڑیوں کے میلے کا پشاور میں انعقاد کیا گیا جس میں مرسڈیز،بی ایم ڈبلیو، جاگوار فورڈ، شیورلیٹ، منی، وی ڈبلیو، لینڈ روورسمیت تین سو سے زائد گاڑیاں شریک ہوئیں، گاڑیوں مالکان کا تعلق ملک کے مختلف شہروں سےتھا۔ شو کا باضابطہ افتتاح ڈائریکٹر جنرل سپورٹس عبدالناصر نے ، ڈائریکٹر آپریشن نعمت اﷲ مروت ڈپٹی ڈائریکٹرعزیز اﷲ جان، ڈپٹی ڈائریکٹر آپریشن جمشید بلوچ بھی موجود تھے ۔ شو کا انعقاد وزیر اعلیٰ خیبرپختونخوا علی امین گنڈاپور اور صوبائی وزیر کھیل سید فخرجہاں کی خصوصی ہدایت پر سیکرٹری سپورٹس مطیع اﷲ کی سربراہی میں کیاگیا۔ شو کا مقصد صوبے میں گاڑیوں کے شوقین افراد کے ساتھ ساتھ شہریوں کو تفریح کے مواقع فراہم کرنا تھا۔کار شو میں بڑوں کے ساتھ ساتھ بچوں نے بھی خصوصی دلچسپی کا اظہار کیا ۔
پشاور سے مزید