• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان بھر میں سوشل میڈیا سروسز سست روی کا شکار

آج کا اخبار
اہم خبریں
02 دسمبر ، 2024
کراچی (ایجنسیاں)ملک بھر میں سوشل میڈیا سروسز سست روی کا شکار ‘واٹس ایپ اور دیگر ایپس پر تصاویر، ویڈیوز اور وائس نوٹ بھیجنا اور وصول کرنا دشوار ہوگیا‘صارفین کو شدید مشکلات کا سامنا کرنا پڑرہاہے ‘تفصیلات کے مطابق ملک بھرسے انٹرنیٹ سروس شدید متاثر ہونے کی شکایات موصول ہو رہی ہیں۔وائی فائی ہو یا موبائل ڈیٹا سروس کسی بھی صورت انٹرنیٹ کا استعمال ذہنی کوفت کا سبب بننے لگا ہے۔انٹرنیٹ سروس کے متاثر ہونے کی وجہ سے صارفین کو شدید مشکلات کا سامنا کرنا پڑ رہا ہے، صارفین کے لیے واٹس ایپ اور دیگر ایپس پر تصاویر، ویڈیوز اور وائس نوٹ بھیجنا اور وصول کرنا دشوار ہوگیا ہے ۔ گھروں سے کام کرنے والے ہوں یا فری لانسرز ، ڈیجیٹل مارکیٹنگ سے وابستہ افراد ہوں یا آن لائن کلاسز لینے والے طالب علم، انٹرنیٹ میں خلل کے باعث سب ہی شدید پریشان ہیں۔
اہم خبریں سے مزید