• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بچوں میں ’’ملٹی پل اسکلیروسیس‘‘ کی وجہ گھر میں سگریٹ نوشی ہے

آج کا اخبار
یورپ سے
14 دسمبر ، 2024
دی ہیگ( نیوز ڈیسک)نئی تحقیق سے پتہ چلتا ہے کہ جن بچوں میں جینیاتی طور پر ملٹی پل اسکلیروسیس (ایم ایس) ہونے کا خطرہ ہوتا ہے، یہ خطرہ گھر میں کسی فرد کے سگریٹ سے نکلے دھوئیں سے اور بھی زیادہ ہوجاتا ہے۔ڈاکٹر رنز فریڈرک کی قیادت میں ایک ڈچ ٹیم نے پایا کہ جینیاتی ملٹی پل اسکلیروسیس (ایم ایس) کا خطرہ اس وقت اور زیادہ ہوجاتا ہے جب دماغی نشوونما پر گھریلو سگریٹ نوشی کے دھوئیں سے منفی اثرات مرتب ہوتے ہیں۔نئی تحقیق نے ایم ایس کی جڑوں پر بھی روشنی ڈالی ہے جو کہ تجویز کرتی ہے کہ اگرچہ زیادہ تر لوگ 20 اور 40 کی دہائی کے درمیان یہ بیماری پیدا کرتے ہیں لیکن یہ بچپن میں ہی شروع ہوسکتا ہے۔واضح رہے کہ ایم ایس اس وقت ہوتا ہے جب جسم کا مدافعتی نظام خراب ہوجاتا ہے اور مائیلین (اعصابی خلیوں کی حفاظت کرنے والے مادے) پر حملہ کرتا ہے۔ نتیجتاً وقت گزرنے کے ساتھ ساتھ متاثرہ شخص کی حرکات، توازن، علمی صلاحیتیں اور دیگر فعل کمزور ہونا شروع ہوجاتے ہیں۔
یورپ سے سے مزید