فرمان الہی
نماز کے اوقات
کراچی(اسٹاف رپورٹر) پاکستان سپر لیگ ٹین میں حسن علی،محمد عامر ، صائم ایوب اور اسامہ میر کو ڈائمنڈ سے پلاٹینم کیٹیگری میں ترقی دے دی گئی ہے۔ پاکستان کرکٹ بورڈ نے منگل کوپاکستان سپر لیگ کے 10ویں ایڈیشن کے لیے87مقامی کھلاڑیوں کیٹگری تجدید کردی ہے۔ عماد وسیم، نسیم شاہ، شاداب خان ، فخر زمان، حارث رؤف، شاہین شاہ آفریدی ، افتخار احمد، محمد رضوان اور بابر اعظم کو پلاٹینم کیٹگری میں برقرار رکھا گیا ہے۔ 16 کھلاڑی ڈائمنڈ ، 30 گولڈ ، 16 سلور کیٹگری میں شامل ہیں ۔ ایمرجنگ کیٹیگری کیلئے 12 پلیئرز منتخب کیے گئے ہیں۔کھلاڑیوں کی ریلیگیشن اور ریٹینشن کا اعلان دسمبر کے آخر میں کیا جائے گا۔11جنوری کو سیزن 10 کی ڈرافٹنگ کراچی یا لاہور میں کرانے کی تجویز ہے۔ مقامی کھلاڑیوں کی کیٹگری کی تجدید کے بعد اسلام آباد یونائیٹڈ میں عماد وسیم، نسیم شاہ، شاداب خان (پلاٹینم) اعظم خان، سلمان علی آغا ( ڈائمنڈ) فہیم اشرف، حیدر علی، قاسم اکرم، رومان رئیس ( گولڈ)، شہاب خان (سلور) حنین شاہ، شامل حسین، عبید شاہ (ایمرجنگ ) شامل ہیں۔ لاہور قلندرز میں فخر زمان، حارث رؤف، شاہین شاہ آفریدی (پلاٹینم) عبداللہ شفیق (ڈائمنڈ) صاحبزادہ فرحان، زمان خان، مرزا طاہر بیگ، کامران غلام، جہانداد خان (گولڈ)، احسن حفیظ بھٹی، محمد عمران جونیئر ، سلمان فیاض، سید فریدون محمود ( سلور)، طیب عباس ( ایمرجنگ ) کو رکھا گیا ہے۔ کوئٹہ گلیڈی ایٹرز میں محمد عامر (پلاٹینم)، ابرار احمد، سرفراز احمد، سعود شکیل، محمد حسنین (تمام ڈائمنڈ)، محمد وسیم جونیئر، عثمان قادر، عمیر بن یوسف، سہیل خان، عمر امین (تمام گولڈ)، سجاد علی جونیئر، عثمان طارق، بسم اللہ خان، خواجہ محمد نافع (تمام سلور )، عادل ناز (ایمرجنگ ) شامل ہیں۔
