• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عالم اسلام، او آئی سی استعمار کے دامِ فریب سے باہر نکل آئیں،حسین مقدسی

میرا شہر
اسلام آباد
21 دسمبر ، 2024
راولپنڈی ( خصوصی نمائندہ)تحریک نفاذ فقہ جعفریہ پاکستان کی کال پر جمعہ کو شام سمیت مختلف ممالک میں زیارات و مقامات مقدسہ کو درپیش خطرات وبے حرمتی کے خلاف ’’ یوم عظمت شعائر اللہ ‘‘منایا گیا۔ جامع مساجد امام بارگاہوں میں نماز جمعہ کے اجتماعات سے علمائے کرام، آیمہ مساجد نے خطبات دیتے ہوئے مزارات مقدسہ نواسی رسول حضرت زینب بنت علی سمیت دیگر زیارات کو دوبارہ کھولنے اور محفوظ بنانے کا مطالبہ کیا۔ جامع مسجد اہلِ بیت واہ کینٹ میں سربراہ تحریک نفاذ فقہ جعفریہ علامہ آغا سیدحسین مقدسی نے خطبہ جمعہ دیتے ہوئے نے کہا کہ شیاطین ثلاثہ امریکا اسرائیل و بھارت نے مسلمانوں کا بالخصوص اور انسانیت کا بالعموم جینا دوبھر کر رکھا ہے۔ انہوں نے کہا شام میں صیہونیت کی گہری چال اور سازش آشکار ہونے کے بعد سہولت کار منہ چھپاتے پھر رہے ہیں۔ علامہ مقدسی نے کہا کہ استعماری پیادوں کی دہشت گردی میں مظلوم عوام اور مقامات مقدسہ نشانہ بن جاتے ہیں۔ انہوں نے عالم اسلام او آئی سی اور مسلم حکمرانوں سے اپیل کی کہ وہ استعمار کے دامِ فریب سے باہر نکل آئیں۔
اسلام آباد سے مزید