• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

2024 ء بزنس کمیونٹی، عوام کیلئے مشکل ترین سال رہا، پاکستان بزنس فورم

آج کا اخبار
اہم خبریں
24 دسمبر ، 2024
اسلام آباد ( رپورٹ حنیف خالد) پاکستان بزنس فورم نے سال 2024کو بزنس کمیونٹی اور عوام کے لئے مشکل ترین سال قرار دیتے ہوئے وفاقی وزیر خزانہ محمد اورنگزیب سے 2025 کے لئے واضح اور قابل عمل معاشی روڈ میپ کے اعلان کی اپیل کردی۔ پاکستان بزنس فورم نے اپنے خط میں کہا کہ بجلی بلوں اور شرح سود نے بزنس کمیونٹی کو جکڑے رکھا۔ پاکستان کاروبار فرینڈلی ملک نہیں رہا لہٰذا سب کو مل کر بیٹھنے کی ضرورت ہے۔ فورم نے خط میں کہا کہ آئی ایم ایف کے ایک اور پروگرام کے باوجود روپیہ مضبوط ہونے میں ناکام رہا، حکومت روپے کو مضبوط کرنے کے لئے فوری اور فیصلہ کن اقدامات کرے۔ روپے کی مضبوطی کے بغیر مالی دباؤ کم کرنے کی کوششیں بے اثر رہیں گی۔ فورم کا کہنا ہےکہ 2024 میں زرعی محاذ پربھی کسانوں کو شدید مشکلات کا سامنا کرنا پڑ رہا ہے، بہت سے لوگ اپنی پیداواری لاگت کی وصولی سے قاصر رہے۔
اہم خبریں سے مزید