• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

معیاری تعلیم کی فراہمی کیلئے تمام وسائل بروئے کار لائینگے‘ پروفیسر ڈاکٹر ظہور بازئی

میرا شہر
کوئٹہ
26 دسمبر ، 2024
کوئٹہ (اسٹاف رپورٹر) جامعہ بلوچستان کے اکیڈمک کونسل کا 94 واں اجلاس وائس چانسلر پروفیسر ڈاکٹر ظہور احمد بازئی کی صدارت میں ہوا ، جس میں پرووائس چانسلر ، ڈین فیکلٹیز ، اساتذہ کرام ، جامعہ کے رجسٹرار سمیت کونسل کے دیگر ارکان نے شرکت کی ۔ اجلاس میں اکیڈمک سرگرمیوں ، شعبہ جات کی کارکردگی ، مستقبل کے تعلیمی منصوبوں ، ملازمین کے فلاح و بہبود کے پروگرامز ، اعلیٰ تعلیم کے حصول سمیت مختلف معاملات کا جائزہ لیا گیا جبکہ اجلاس مین مختلف کمیٹیاں تشکیل دی گئیں ۔ وائس چانسلر نے خطاب کرتے ہوئے کہا کہ جامعہ تعلیمی ہدف کے حصول کو ممکن بناتے ہوئے کورسز کی تکمیل ، امتحانات کے انعقاد کو یقینی بنانے سمیت جامعہ کی ترقی ، تعلیمی بہتری کے لئے کوشاں ہے ۔ انہوں نے کہا کہ نئے سال میں نئے جریدے کے ساتھ تعلیمی و تحقیقی سرگرمیوں ، جامعہ کی ترقی ، طلبا و طالبات کے لئے درس و تدریس ، تربیتی پروگراموں پر خصوصی توجہ دی جائے گی ۔ اساتذہ اپنے پیشہ ورانہ صلاحیتوں کو اسی تسلسل کے ساتھ طلبا کی بہتر رہنمائی ، معیاری تعلیم کے لئے بروکار لائیں ۔
کوئٹہ سے مزید