• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آئی جی سے برطانوی پولیس اورہائی کمیشن کے وفد کی ملاقات

میرا شہر
لاہور
07 جنوری ، 2025
لاہورٟ کرائم رپورٹر) برطانوی پولیس اور ہائی کمیشن کے 9رکنی وفد نے سی پی او کا دورہ کیا ، آئی جی پنجاب ڈاکٹر عثمان انور سے ملاقات کی ،وفد نے دہشتگردی اور آرگنائزڈ کرائم کے خاتمے کیلئے پنجاب پولیس کے اقدامات کو سراہا انٹرپول کے ذریعے مجرمان کی گرفتاری کیلئے کریمنلز ریکارڈ شیئرنگ کے امور زیر غور آئے، آئی جی پنجاب نے پولیس کو دہشتگردی، شدت پسندی کے حوالے سے درپیش چیلنجز پر روشنی ڈالی،ملاقات میں برطانوی پولیس اور پنجاب پولیس کے درمیان ورکنگ ریلیشن شپ کو مزید فروغ دینے پر اتفاق کیا گیا،وفد نے سنٹرل پولیس آفس کے میوزیم اور دیگر شعبوں کا دورہ کیا،آئی جی پنجاب اور برطانوی وفد کے مابین سووینئرز کا تبادلہ کیا گیا۔ ڈپٹی مینجر سٹریٹجی اینڈ ڈویلپمنٹ گریمی والس (Graeme Wallace) نے وفد کی قیادت کی ۔ ڈی آئی جی ہمایوں بشیر تارڑ، ڈی آئی جی میر واعظ نیاز، سینئر پولیسنگ ایڈوائزر ڈیرن کولن ٹامکنز، بینجمن واٹسن و دیگر وفد میں شامل تھے۔
لاہور سے مزید