فرمان الہی
نماز کے اوقات
کراچی(اسٹاف رپورٹر)پریذیڈنٹ ٹرافی گریڈ ون کرکٹ ٹورنامنٹ کے دوسرے دن ایچ پی سی اوول میں دفاعی چیمپئن ایس این جی پی ایل پہلی اننگز میں 406رنز بناکر آؤٹ ہوگئی۔ سرکاری ٹی وی نے کھیل ختم ہونے پر اپنی پہلی اننگز میں 4 وکٹوں پر 260 رنز بنائے تھے ۔محمد طحہ 86 رنز پر ناٹ آؤٹ ہیں۔یاسر خان 59 اور محمد شہزاد 70 رنز بناکر آؤٹ ہوگئے۔ این بی پی اسپورٹس کمپلیکس میں کے آر ایل کی ٹیم واپڈا کے 268 رنز کے جواب میں اپنی پہلی اننگز میں 151 رنز بناکر آؤٹ ہوگئی۔ واپڈا نے دوسری اننگز میں 2 وکٹوں پر114رنز بنائے تھے۔ محمد اخلاق 56 رنز بناکر ریٹائرڈ ہرٹ ہوگئے۔ واپڈا کی مجموعی برتری 231رنز کی ہوچکی ہے۔ نیشنل بینک اسٹیڈیم میں ہائر ایجوکیشن کی ٹیم ایشال ایسوسی ایٹ کے 341 رنز کے جواب میں اپنی پہلی اننگز میں 224 رنز بناکر آؤٹ ہوگئی۔ طاہر حسین نے 4 وکٹیں حاصل کیں۔ایشال ایسوسی ایٹ نے دوسری اننگز میں 2وکٹوں پر 120 رنز بنائے تھے۔اذان اویس 53 رنز پر ناٹ آؤٹ تھے۔ایشال ایسوسی ایٹ کو237 رنز کی مجموعی برتری حاصل ہوچکی ہے۔
