• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

گرینڈ ہیلتھ الائنس کے معاملے کو سنجیدگی سے حل کیاجائے ،نیشنل پارٹی

میرا شہر
کوئٹہ
16 جنوری ، 2025
کوئٹہ(اسٹاف رپورٹر)نیشنل پارٹی کے مرکزی لیبر سیکرٹری داد محمد بلوچ نے کہا ہے کہ حکومت گرینڈ ہیلتھ الائنس کے معاملے کو سنجیدگی سے حل کرئے ، جمہوریت کی دعویدار پیپلز پارٹی کے دور حکومت میں تعلیمی اداروں میں طلباء تنظیموں اور سیاسی سرگرمیوں پر پابندی اس کے جمہوری دعوؤں کی نفی کرتی ہے ۔ ایک بیان میں انہوں نے کہا کہ حکومت معاملات کی سنگینی کا ادراک کرتے ہوئے صورتحال کو سنجیدگی کے ساتھ بہتر بنانے کے لئے گفت و شنید کی راہ اختیار کرے۔ طاقت کے استعمال سے گریز کیاجائے۔ ضرورت اس امر کی ہے کہ گرینڈ ہیلتھ الائنس کا موقف بھی سنا جائے ۔انہوں نے کہا کہ پیپلز پارٹی کے بانی نے طلباء تنظیم کی بنیاد رکھی اور شہید بے نظیر بھٹو نے تعلیمی اداروں میں طلباء تنظیموں پر عائد پابندی ختم کی۔ لیکن پیپلز پارٹی کے دور حکومت میں بلوچستان میں تعلیمی اداروں میں سیاسی سرگرمیوں پر پابندی اس کے جمہوریت پسند ہونے کے دعوؤں کی نفی کررہی ہے ۔
کوئٹہ سے مزید