فرمان الہی
نماز کے اوقات
جرمنی کے دارالحکومت برلن کے ایک ہوائی اڈے کے قلیل مدتی پارکنگ ایریا میں ایک سال سے کھڑی لاوارث گاڑی کی پارکنگ فیس کی مد میں 209,124 ڈالر کی بھاری رقم کا معاملہ بین الاقوامی شہ سرخی بن گیا۔
ہوائی اڈے کی پارکنگ کی فیسیں بہت زیادہ ہوتی ہیں اور برلن کا برانڈنبرگ ہوائی اڈہ بھی اس سے مستثنیٰ نہیں۔ بتایا جاتا ہے کہ گاڑی کی قلیل المدتی پارکنگ ایریا میں پہلے 10 منٹ مفت ہیں، جس کے بعد 30 منٹ کےلیے 11 امریکی ڈالر، فی گھنٹہ 23 اور ایک پورے دن کی فیس 552 ڈالر ہیں۔ اب تصور کریں کہ وہاں ایک گاڑی کو پورے سال کےلیے پارک کریں۔
جب آپ ایک غیر معمولی مہنگی لگژری گاڑی کی بات کرتے ہیں تو غالباً یہ بہتر ہے کہ اسے محفوظ اور مہنگی پارکنگ میں چھوڑ دیا جائے، تو لگتا ہے کہ مذکورہ بالا قیمتی گاڑی کے مالک نے بھی کچھ یوں ہی کیا اور وہ گزشتہ برس جنوری میں اپنی گاڑی برلن ایئرپورٹ پارکنگ میں چھوڑ گیا۔
تاہم یہ واضح نہیں کہ ایئرپورٹ حکام نے کب اس مہنگی پارکنگ ایریا میں گاڑی کی موجودگی کا نوٹس لیا لیکن ایک چیز یقینی ہے کہ کسی نے بھی اس دوران گاڑی کے ساتھ کچھ نہیں کیا۔
اس گاڑی کو حکام نے اس پوائنٹ پر ٹو کر کے بھاری فیس والی جگہ پر کھڑا کر دیا ہے۔ تاہم امکان یہی ہے کہ یہ فیس وصول نہیں ہو پائے گی اسکی وجہ یہ ہے کہ پولیس اب تک کار کے مالک کی شناخت نہیں کر پائی ہے۔
