فرمان الہی
نماز کے اوقات
اسلام آباد (ایجنسیاں) پاکستانی دفتر خارجہ نے انکشاف کیا ہے کہ لیبیا میں پاکستانیوں سمیت 65 تارکین وطن کو لے جانے والی ایک اور کشتی کو ہولناک حادثہ پیش آیا ہے۔
ریڈ کریسنٹ کی رپورٹ کے مطابق ان کی ٹیم نے 10 لاشیں برآمد کی ہیں۔
ترجمان دفتر خارجہ کی جانب سے پیر کو جاری کیے گئے بیان میں بتایا ہے کہ طرابلس میں پاکستان کے سفارت خانے نے مطلع کیا ہے کہ تقریباً 65 مسافروں کو لے جانے والا ایک بحری جہاز لیبیا کے زاویہ شہر کے شمال مغرب میں مارسا ڈیلا کی بندرگاہ کے قریب الٹ گیا۔
بیان میں مزید بتایا ہے کہ طرابلس میں پاکستانی سفارت خانے نے فوری طور پر ایک ٹیم کو زاویہ اسپتال روانہ کر دیا ہے تاکہ مرنے والوں کی شناخت میں مقامی حکام کی مدد کی جاسکے۔
بیان میں بتایا ہے کہ سفارتخانہ پاکستانی متاثرین کی مزید تفصیلات جاننے کی بھی کوشش کر رہا ہے۔
بیان میں یہ بھی بتایا ہے کہ صورتحال پر نظر رکھنے کے لیے وزارت خارجہ کے کرائسز مینجمنٹ یونٹ کو فعال کر دیا گیا ہے۔
