• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

IMF وفد کی سپریم کورٹ بار کے عہدیداروں سے ملاقات، کرپشن، سرمایہ کاری پر بات چیت

آج کا اخبار
اہم خبریں
15 فروری ، 2025
اسلام آباد(نمائندہ جنگ )سپریم کورٹ بار ایسوسی ایشن کی جانب سے آئی ایم ایف وفد سے ملاقات کا اعلامیہ جاری کر دیا گیا ہے۔ اعلامیہ کے مطابق سپریم کورٹ بار ایسوسی ایشن کے صدر، میاں رئوف عطا ء کی سربراہی میں سپریم کورٹ بار ایسوسی ایشن کی ٹیم نے آئی ایم ایف کے وفد سے ملاقات کی ہے ،جس میں ملک سے کرپشن کے خاتمہ اور بیرونی سرمایہ کاری کیلئے سازگار ماحول پر بات ہوئی، صدر سپریم کورٹ بار نے ماتحت عدلیہ میں زیر التواء مقدمات کی نشاندہی کی، آئی ایم ایف وفد کو ججوں کی کم تعداد اور ثالثی نظام کی اہمیت سے بھی آگاہ کیا گیا۔ آئی ایم ایف وفد کے ساتھ قانونی اصلاحات اور گڈ گورننس پر بھی تبادلہ خیال ہوا، صدر سپریم کورٹ بار نے عدلیہ میں احتساب کے نظام کی تفصیلات سے آگاہ کیا اور اس بات کی نشاندہی کی کہ عدالتی نظام میں سزا اور جزا کا ایک نظام پہلے سے موجود ہے۔ صدر بار نے کہا کہ سپریم جوڈیشل کونسل اعلیٰ عدلیہ کے ججوں کیخلاف شکایات کا ازالہ کرتی ہے، جبکہ متعلقہ ہائی کورٹیں ضلعی ججوں سے متعلق معاملات کو دیکھتی ہیں، صدر سپریم کورٹ بار نےسپریم کورٹ کے جج کو سپریم جوڈیشل کونسل میں دائر شکایت کے نتیجے میں حال ہی میں عہدے سے ہٹانے سےمتعلق آگاہ کیا۔
اہم خبریں سے مزید