• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بین الاقوامی سمز کی غیر قانونی خرید و فروخت میں ملوث پانچ افراد گرفتار

میرا شہر
اسلام آباد
16 فروری ، 2025
راولپنڈی (سٹاف رپورٹر)ایف آئی اے نے بین الاقوامی سمز کی غیر قانونی خریدوفروخت میں ملوث عناصر کے خلاف ملک گیر کریک ڈاؤن میں پانچ ملزموں کو گرفتار کرلیا۔ایف آئی اے سائبر کرائم سرکل راولپنڈی نے سوشل میڈیا کے ذریعے بین الاقوامی ایکٹیو سمز کی فروخت میں ملوث ملزم گینگ کے خلاف کارروائی کرتے ہوئے غیر قانونی بین الاقوامی سمز کی فروخت میں ملوث ملزموںمحمد عامر، محمد مدثر ، محمد زکریا، سید نور اور وجیہہ محمود کو گرفتار کرلیا۔چھاپہ مار کارروائی پاکستان ٹیلی کمیونیکیشن اتھارٹی کی ٹیم کے ہمراہ عمل میں لائی گئی اور ملزمان کو راولپنڈی سے گرفتار کیا گیا ۔ ملزموں سے 335 غیر قانونی سمز اور 5موبائل فون برآمد کر لئے گئے۔ ترجمان ایف آئی اے کے مطابق گرفتار کئے گئے ملزمان سوشل میڈیا کے ذریعے بین الاقوامی سمز کی خریدوفروخت کرتے تھے جو بین الاقوامی نمبرز غیر قانونی سرگرمیوں میں استعمال ہوتے تھے،مذکورہ سمز بلیک میلنگ، بھتہ خوری، فراڈ، جعلی سکیموں اور آن لائن مالیاتی فراڈ میں بھی استعمال ہوتی تھیں۔ملزیدملزمان کی گرفتاری کے لئے چھاپے مارے جا رہے تھے۔
اسلام آباد سے مزید