• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نیب نے سرکاری زمین ہتھیانے کے دو ریفرنس احتساب عدالت میں دائر کر دیئے

آج کا اخبار
اہم خبریں
19 فروری ، 2025
راولپنڈی (نمائندہ جنگ) نیب راولپنڈی نے محکمہ جنگلات و محکمہ مال کے 43افسران اور اہلکاروں کیخلاف 487بلین روپے کی ہزاروں کنال سرکاری زمین ہتھیانے جیسے الزامات کے تحت دو ریفرنس راولپنڈی کی احتساب عدالت میں دائر کر دیئے ہیں۔ غبن، بدعنوانی، اختیارات کے ناجائز استعمال اور کاغذات میں ردوبدل جیسے الزامات کے تحت گزشتہ روز دائر ہونے والے دونوں ریفرنسز میں ڈپٹی کمشنر، اسسٹنٹ کمشنر، تحصیلدار اور پٹواریوں سمیت محکمہ مال اور محکمہ جنگلات کے 37 افسران واہلکاروں کو بھی ملوث کیا گیا ہے۔ ملک ریاض ان کے صاحبزادے علی ریاض اور سابق تحصیل ناظم مری سردار سلیم سمیت محکمہ مال و جنگلات کے پچیس ملازمین کے خلاف 152بلین روپے غبن کے ایک ریفرنس میں الزام ہے کہ ان ملزمان نے ملی بھگت، بدعنوانی اور اختیارات کا ناجائز استعمال کرتے ہوئے مری کے موضع مانگا اور گرد و نواح کے موضع جات میں واقع سرکاری زمین (شاملات دیہہ) بحریہ ٹاؤن کے نام منتقل کی جہاں بعدازاں بحریہ گالف سٹی بنا لیا گیا جس سے سرکاری خزانے کو 152بلین روپے کا نقصان ہوا ہے۔
اہم خبریں سے مزید